Kryeministrja italiane Giorgia Meloni pritet të zhvillojë një udhëtim të paplanifikuar në Arabia Saudite, Emiratet e Bashkuara Arabe dhe Katar, në një moment të tensionuar për rajonin.

Sipas mediave ndërkombëtare, kjo vizitë shënon udhëtimin e parë të një lideri perëndimor në zonë që pas përshkallëzimit të konfliktit me Iran.

Burime nga qeveria italiane bëjnë me dije se objektivi kryesor i kësaj lëvizjeje është forcimi i sigurisë energjetike të Italisë, duke pasur parasysh rëndësinë strategjike të rajonit të Gjirit Persik si furnizues i madh i naftës dhe gazit natyror.

Meloni ka rikonfirmuar mbështetjen e Italisë për vendet e Gjirit që janë vënë në shënjestër të sulmeve iraniane, ndërsa paralelisht po synon thellimin e bashkëpunimit ekonomik dhe marrëdhënieve tregtare me këto shtete kyçe.