Prej disa orësh, disa zona të qytetit të Vlorës, përfshirë edhe Lungomaren – një nga destinacionet më të frekuentuara gjatë verës – janë pa energji elektrike.

Burime nga terreni bëjnë me dije se shkak është një avari në rrjet, por deri tani mungon një afat zyrtar për rikthimin e energjisë.

Ndërprerja ka krijuar probleme të mëdha për bizneset përgjatë vijës bregdetare, të cilat në kulmin e sezonit veror mbështeten plotësisht te furnizimi me energji për ofrimin e shërbimeve.

Autoritetet lokale nuk kanë dhënë ende një njoftim zyrtar mbi përmasat e defektit dhe kohën e zgjidhjes së problemit.