Ditën e sotme qyteti i Vlorës ka qenë në mbizotërimin e tymit të zi.

Në lagjen “24 Maji” ka rënë një zjarr dhe si pasojë e përhapjes së flakëve janë djegur qindra goma të përdorura mjetesh. Banorët e zonës shprehen se kjo nuk është hera e parë që ndodh një ngjarje e tillë ndërsa policia ka shoqëruar 4 persona në lidhje me këtë ngjarje.
Grupi hetimor ndodhet në vendngjarje dhe po kryen veprimet për zbardhjen e ngjarjes.

Njoftimi i policisë:

Vlorë/Informacion paraprak

Rreth orës 09:10, në lagjen “24 Maji”, ka rënë zjarr pranë hidrovorit dhe si pasojë e përhapjes së flakëve po digjen disa goma automjetesh.

Në vijim të veprimeve, shërbimet e Policisë kanë shoqëruar 4 persona, për t’i pyetur në lidhje me këtë ngjarje.

Grupi hetimor ndodhet në vendngjarje dhe po kryen veprimet për zbardhjen e plotë të rrethanave të ngjarjes.