Një ngjarje e rëndë është regjistruar këtë të diel në qytetin e Vlorës, ku një fëmijë 5-vjeç ka humbur jetën pasi ka rënë nga ballkoni i banesës së tij.

Sipas informacioneve paraprake, i mituri është transportuar me urgjencë drejt spitalit nga shërbimi i ambulancës, por nuk ka mundur t’u mbijetojë plagëve të marra.

Mjekët bëjnë me dije se gjendja e tij shëndetësore ka qenë shumë e rëndë për shkak të dëmtimeve të shumta të shkaktuara nga rënia.

Në vendngjarje kanë mbërritur efektivët e policisë, të cilët kanë nisur hetimet për të sqaruar rrethanat dhe shkaqet e kësaj ngjarjeje tragjike.