Reshjet intensive të shiut kanë shkaktuar probleme të mëdha në Vlorë, duke përmbytur disa lagje dhe duke krijuar kaos në trafik.

Lagjet “Demokracia”, “Isa Boletini”, “15 Tetori” dhe zona pranë Kishës Ortodokse janë përfshirë nga uji, duke vështirësuar kalueshmërinë për qytetarët. Situata është rënduar edhe më tej nga një protestë e punonjësve të Ujësjellësit, e cila ka reduktuar ndjeshëm numrin e personelit në terren për menaxhimin e përmbytjeve.

Në lagjen “Albano-Romina” raportohen probleme të ngjashme, ndërsa qytetarët përballen me vështirësi të mëdha në lëvizje. Ende nuk ka një reagim nga autoritetet për masat që do të merren për zgjidhjen e situatës.