Presidentja e Komisionit Europian, Ursula von der Leyen, ka paralajmëruar se Bashkimi Europian po përjeton një periudhë të rrezikshme dhe ka nevojë të forcojë kapacitetet e veta mbrojtëse.

Në një intervistë për Aleancën Evropiane të Gazetave, Von der Leyen theksoi se, edhe pse NATO mbetet shtylla kryesore e sigurisë kolektive, BE duhet të bëhet më e pavarur dhe e vetë-mjaftueshme në fushën e mbrojtjes.

Ajo përmendi programin “Gatishmëria për 2030” dhe investimet në industrinë e mbrojtjes si hapa konkretë, duke paralajmëruar rreth kërcënimeve nga sulmet hibride dhe ndërhyrjet ruse në sistemet GPS në Detin e Zi dhe Baltik.

Në fushën energjetike, Von der Leyen theksoi se BE ka ulur varësinë nga Rusia përmes burimeve të rinovueshme, por nuk synon izolim nga tregjet globale, duke vlerësuar SHBA-në si partner të besueshëm.