Presidenti i Republikës Ilir Meta ka votuar pak minuta pas orës 7:00, ora zyrtare e hapjes së qendrave të votimit.
Meta është shfaqur i buzëqeshur në qendrën e votimit të vendosur në kopshtin numër 31, në njësinë 5. Ndërsa pas votimit ka pasur dhe një mesazh të shkurtër fillimisht.
“Për Kushtetutën, për demokracinë, për Shqipërinë në Europë”, tha Meta teksa ka përshëndetur me dy gishta.
Pasi hodhi fletën e votimit në kuti, Presidenti i Republikës Ilir Meta u ndal në një prononcim për gazetarët.
Ai tha se dita e sotme është e mrekullueshme dhe sovrani ka të drejtën të shprehë vullnetin e tyre të lirë, jo vetëm për partinë preferenciale, por edhe kandidatët. eta bëri thirrje që qytetarët të votojnë për kandidatë persona me integritet dhe patriotë.
“Erdhi kjo ditë e bekuar, e mrekullueshme. Për sovranin në kushte sa më të mira, për të shprehur vullnetin e lirë. Çdo qytetar i shqipërisë, pavarësisht se nga çka përjetuar, duhet që Republika jonë të ripërtërijë themelet e saj nëpërmjet votës së lirë.
Barazim para ligjit na garanton vetëm barazia e votë, çdo qytetar i shqipërisë, të votojë i lirë për alternativën që beson dhe në këto zgjedhje ka mundësi të votojë për kandidatin më të mirë. I ftoj të vapëtojnë alternativën që ato besojnë dhe të zgjedhin kandidatët më të ndershëm. Votimi nuk është një e drejtë Kushtetuese, por akt patriotik. E gjithë bota i ka sytë tek Shqipëria vetëm mbarëvajtje e mirë i këtij procesi do të thotë që Evropa do të hapë anëtarësimin. Vota të lira, qytetarët të votojnë atë që kanë në mendje e zemër”, u shpreh Meta.
