Në ndjekje të ngjarjes së rëndë në qytetin e Korçës, fakte të tjera kanë dalë në dritë. Illo Lluka, 61-vjeçari që qëlloi për vdekje 40-vjeçarin Emiljano Pine dhe pastaj vrau veten, shkaktoi një shok në komunitetin e tyre.

Fqinji i familjes Pine ka treguar për momentin e tragjedisë, duke përshkruar Emiljanon si një djalë të mirë dhe duke sqaruar se nëna e tij kishte kujdesur për babain e Llukës për shumë vite.

Sipas tij: “Isha në shtëpi kur ndodhi ngjarja. Dëgjova krisma, dola jashtë dhe i pashë të dy të shtrirë në rrugë. I njihja të dy personat. Emiljano ishte djalë i shkëlqyer. Nëna e Emiljanos e mbante në shtëpi babain e Ilos prej disa vitesh dhe kujdesej për të, që kur ishte edhe i shoqi gjallë.”

Për sa i përket motivit të ngjarjes, ky person tregon se një nga pikat kryesore të hetimeve është trashëgimia e një apartamenti, të cilin babai i autorit donte t’ia linte si trashëgimi djalit të kujdestares.

Ilo Lluka, që prej shumë vitesh jetonte në Greqi, nuk pranoi këtë fakt dhe u kthye në Korçë, ku kreu aktin makabër. Ai është njohur si një person që përdorte alkool, megjithatë ende nuk është konfirmuar nëse në momentin e ngjarjes ishte nën efektin e alkoolit apo jo.

Ngjarja e rëndë ndodhi më 28 shkurt, rreth orës 20:25 në lagjen nr.18 të Korçës. Ilo Lluka qëlloi Emiljano Pinen me armë zjarri dhe më pas veten, duke shkaktuar vdekjen e tyre. Emiljano Pine humbi jetën për shkak të plagëve të marra, ndërsa transportohej drejt spitalit të qytetit.