Një ngjarje tragjike ka tronditur qytetin e Vushtrrisë më 23 mars, ku një i ri humbi jetën pas një sulmi me armë zjarri. Policia e Kosovës ka njoftuar se ka arrestuar Bleon Dibranin, 19 vjeç, si të dyshuarin kryesor për vrasjen e Ardit Zymerit, gjithashtu 19 vjeç.

Ngjarja ka shkaktuar tronditje të madhe në komunitet, ndërsa familjarë dhe miq kanë shprehur dhimbjen e tyre në rrjetet sociale. Një vajzë me emrin Jona, e cila pretendon të jetë e dashura e viktimës, ka bërë një postim prekës në TikTok, duke ndarë dhimbjen e saj për humbjen e të dashurit.

Në shkrimin e saj emocional, ajo shkruan:

“Shpirti jem i bardh që ka me qenë me mu gjithë jetën. A pate shumë dhimtë zemra jem, pse qaj plumb s’erdh te unë po te ti? Më ke thënë që gjithmonë duhet të jem e fortë, dhe sot kjo fjalë po merr kuptim.”

Hetimet për këtë ngjarje të rëndë po vazhdojnë, ndërsa autoritetet pritet të japin më shumë detaje mbi motivet dhe rrethanat e krimit.