Modelja britanike Demi Rose, e njohur për pozat e saj provokuese, ka bërë një lëvizje të papritur duke braktisur Instagramin dhe fshirë të gjithë ndjekësit e saj, pavarësisht se kishte 19 milionë ndjekës.
29-vjeçarja postoi për herë të fundit në korrik, kur ngriti temperaturat me një foto krejtësisht nudo në resortin e saj në Ibiza. Pas këtij postimi, ajo është ‘zhdukur’ nga platforma, duke mos bërë më asnjë përditësim.
Në vend të Instagramit, Demi është kthyer te Snapchat, ku po ndan momente të reja me fansat e saj. Lëvizja e saj ka ngritur spekulime mbi arsyet e këtij ndryshimi drastik, duke lënë ndjekësit në pritje për një rikthim ose një shpjegim nga modelja.
