Një tjetër ngjarje e rëndë ka tronditur këtë pasdite qytetin e Beratit, ku një 63-vjeçar ka vrarë me thikë një 42-vjeçar, pas një konflikti për motive ende të paqarta.

Sipas burimeve zyrtare, ngjarja ka ndodhur rreth orës 15:10 në lagjen e Kalasë, ku Kristo Mema (alias K. H.), 63 vjeç, banues në lagjen “Barrikadë”, dyshohet se ka goditur për vdekje me mjet prerës shtetasin Keli Hoxha, 42 vjeç, banues në Tiranë.

Menjëherë pas krimit, autori është larguar nga vendngjarja, ndërsa forcat e policisë janë vënë në ndjekje dhe po kontrollojnë zonën për kapjen e tij.

Në vendngjarje ndodhet grupi hetimor, i cili po punon për sqarimin e plotë të rrethanave, si dhe për dokumentimin ligjor të ngjarjes që ka tronditur qytetin e Beratit.