Disa ditë pas ngjarjes së rëndë është vetëdorëzuar në Policinë e Malit të Zi dhe është arrestuar 28-vjeçari Ilir Dokaj, i cili dyshohet se qëlloi për vdekje ish-të fejuarën e tij Shejla Bakija vetëm 19-vjeçe,dhe plagosi rëndë babain e saj Shaban Bakija.

Ngjarja tragjike ndodhi katër ditë më parë, ku 28-vjeçari kishte shkuar te shtëpia e shqiptare dhe kishte qëlluar me breshëri plumbash, duke i marrë jetën asaj dhe duke plagosur rëndë babanë e 19-vjeçares.

Dokaj duket se ishte ndarë nga e fejuara 19-vjeçare, kur kjo e fundit me 26 gusht bëri kallëzim në polici se ai po e kërcënonte, por asokohe ai vetëm u gjobit.

Autori shkoi në banesën e familjes së Shejla Bakijas, duke qëlluar këdo që i doli përpara. Plumbat i morën jetën të resë, ndërsa mbeti i plagosur rëndë babai i vajzës.

Për shkak të vrasjes së Sheila Bakija, një numër i madh i qytetarëve u mblodhën dje para stacionit policor në Tuzi, me ftesë të Qendrës për të Drejtat e Grave, për të protestuar, sepse besojnë se agjencitë e zbatimit të ligjit nuk arritën të veprojnë në mënyrë parandaluese për vrasjen e Sheila Bakija dhe plagosjen e babait të saj, Shaban.