Presidenti i Serbisë, Aleksandar Vuçiç, ka filluar të paraqesë masat që Serbia planifikon të marrë në lidhje me situatën në Kosovë, duke theksuar se Beogradi është gjithmonë i gatshëm për dialog me Prishtinën. Vuçiç tha se është i përgatitur të shkojë në Bruksel për të vazhduar bisedimet me kryeministrin Albin Kurti, por theksoi se Serbia nuk do të lejojë përndjekjen e popullatës serbe në Kosovë.

“Sot Serbia ndodhet në një situatë të vështirë juridiko-politike në lidhje me Kosovën, ndërsa ekonomikisht është në një gjendje shumë të mirë, ndoshta edhe të shkëlqyer,” u shpreh Vuçiç. Ai shtoi se çështja e Kosovës mbetet një nga pikat më të ndjeshme dhe të dhimbshme për Serbinë.