Banorët e shtëpisë ngjitur me zonën industriale ku ndodhi tragjedia në Lushnjë kanë rrëfyer tmerrin e përballjes me incidentin, ku një bombol oksigjeni me të cilën punëtorët e kantierit po kryenin saldime në pjesën e tarracës shpërtheu duke lënë dy të vdekur dhe 7 të plagosur.

Me lot në sy, i zoti i shtëpisë ka treguar se si mori rrugën nga Greqia menjëherë për në shtëpi nga meraku se nuk kishte lajm për familjen pasi linjat e internetit ishin ndërprerë.

“Ishte këtu, ajo më njoftoi. U bë shkëputja e internetit, nuk kisha kontakte me familjen time. Kur erdha këtu, mirë që gjeta njerëzit jashtë. Xhama kudo, hekurat të hedhur sa andej këndej. Mirë që s’kanë qenë njerëzit jashtë që të…”

Kur erdha në Fier i thashë shoqes se aty mund të kishte ndodhur ndonjë tragjedi?

“Patjetër, me këtë gjendje që është shtëpia mund të kishte edhe njerëz të vrarë.”

Vlen të theksohet se mes të plagosurve rëndë ishte edhe deputeti socialist Bujar Çela, i cili u transportua në spitalin e Traumës dhe pas ndërhyrjes kirurgjikale është në gjendje të mirë shëndetësore.