Këngëtarja Xhensila Myrtezaj ndau një moment personal me fansat e saj gjatë një koncerti në një lokal nate, duke falënderuar publikisht psikologen e saj, Adelina Pjetrën, e cila ishte e pranishme në sallë. Xhensila tregoi se ka kaluar periudha të vështira në jetë, duke përfshirë periudhën e shtatzënisë, dhe theksoi rëndësinë e mbështetjes që ka marrë nga psikologia e saj.

Në fjalimin e saj, këngëtarja tha: “Ndodh ndonjëherë që jo të gjithë kalojmë periudha të bukura, por e rëndësishme është që të kesh njerëzit e duhur në krah. Adelina të falënderoj shumë zemër, për gjithçka, për gjithë suportin që më ke dhënë në të gjithë rrugëtimin tim dhe gjatë gjithë shtatzënisë sime. Ishe një krah i fortë, faleminderit shumë.”

E emocionuar nga kjo deklaratë, psikoterapistja Adelina Pjetra publikoi një video të momentit në rrjetet sociale, duke shkruar: “Faleminderit Xhensila Myrtezaj, ishte një surprizë e bukur, nuk e prisja.”