Këngëtarja Xhensila Myrtezaj ka reaguar ashpër në rrjetet sociale, duke përmendur një ngjarje të fundit ku i është dërguar një video që, sipas saj, përmbante shpifje dhe baltosje mbi emrin e saj. Në një postim në Insta Story, ajo shprehet se deri më tani ka heshtur për shpifjet, por tani është gati të ndërmarrë masa ligjore kundër atyre që përpiqen të përdorin emrin e saj për intrigat dhe gënjeshtrat e tyre.

“Sapo më nisën një video që një monstër Tik Tok-u me fantazinë më të shthurur ka baltisur emrin tim, me njerëz që nuk njoh, e as emrin s’ja kam dëgjuar kurrë. Pler që përdor një moment delikat mediatik, për të thurur intrigat dhe gënjeshtrat e tua. Është përbaltuar shumë emri im për shumë vite por kam heshtur. Nga ky moment do mbani përgjegjësi juridike për çdo shpifje,” shkruan Myrtezaj në Insta Story.

Ky reagim i ashpër vjen si pjesë e një tendence ku personazhet publike përgjigjen ndaj sulmeve apo shpifjeve në rrjetet sociale duke ngritur zërin dhe duke shprehur vendosmërinë për të mbrojtur imazhin e tyre publik.