Modelja Xhovana Nikolli ka reaguar pas kontrollit të SPAK në banesën e saj në Elbasan, duke denoncuar se janë sekuestruar sende private pa një urdhër gjykate. Ajo ka përdorur Insta Story për të shpërndarë informacione në lidhje me situatën, ku shprehet se Prokuroria e Posacme ka konfiskuar telefonin e prindërve të saj.

Ky reagim vjen pas ngjarjes së ndodhur vitin e kaluar, kur një shpërthim tritoli dëmtoi banesën ku Xhovana dhe motra e saj jetonin, duke lënë të plagosur Enea Thomaraj, i cili humbi jetën pas tre muajsh në koma. Hetimet kanë zbuluar se shpërthimi kishte si shënjestër dy motrat, por ato fatmirësisht nuk pësuan dëmtime.

Xhovana Nikolli është gjithashtu e lidhur me Amarildo Xhanej, i cili u arrestua në gusht të vitit 2023, i dyshuar për përgatitje vrasjeje në Vlorë, ku u kap me armë silenciator. Hetimet për këtë çështje janë ende në vazhdim, dhe një nga pistat që po hetohen lidhet me konfliktet e mundshme të Xhovana Nikollit.