Pas deklaratës së Gjestit në spektaklin e së shtunës se “nuk ndjen asgjë për Eglin”, tensionet mes dyshes po bëhen gjithnjë e më të dukshme. Egli vazhdon të shfaqë përkushtimin e saj ndaj këngëtarit, një gjest që ka ngjallur reagime të shumta, duke përfshirë edhe ish-banorin Xumi.

Në një video të shpërndarë në rrjet, Egli i shprehet Livias duke thënë: “Do ta kap me zor. Nuk rri dot më, po më plas shpirti.” Kjo deklaratë ka shkaktuar reagime të shumta, dhe më i zëshmi ka qenë Xumi, ish-banori që u kritikua më parë për raportin e tij me Eglin.

Xumi ka theksuar në një postim se, nëse ai do të ishte shprehur në mënyrë të ngjashme për Eglin, do të etiketoheshin si përndjekës dhe manjak. Ai kujton gjithashtu se, edhe pa bërë veprime të tilla, ai u sulmua ashpër nga publiku dhe nga vetë Egli gjatë qëndrimit të tij në shtëpi.

“I drejti zhytet, por nuk mbytet! Zoti është i madh!” – ka shkruar Xumi, duke nënkuptuar se karma ka bërë punën e saj dhe se tani po sheh të ndodhë diçka që ai beson se është e drejtë.

Reagimi i Xumit ka shtuar më tej tensionin mes tij dhe Eglit, duke ngritur pyetje mbi mënyrën se si janë trajtuar dhe interpretuar veprimet e banorëve të tjerë në shtëpi, duke u bërë një temë e nxehtë diskutimi në rrjetet sociale.