Ylli francez i klasikëve evropianë, aktorja Anouk Aimée, ka ndërruar jetë në moshën 92-vjeçare. Lajmin e hidhur e bëri të ditur vajza e saj, Manuela Papatakis, përmes një postimi në Instagram, ku njoftoi se Aimée ndërroi jetë në shtëpinë e saj në Paris.

“Isha pranë shtratit të saj kur ajo ndërroi jetë këtë mëngjes në shtëpinë e saj në Paris,” shkroi Manuela Papatakis në postimin e saj.

Anouk Aimée u bë e famshme për rolet e saj të paharrueshme në filma si “La Dolce Vita” (1960) dhe “A Man and a Woman” (1966), duke lënë pas një trashëgimi të pasur në kinematografinë evropiane.