Zbardhen detaje të reja nga ngjarja e ndodhur këtë mesditë në minierën e Martaneshit.
Nga të dhënat e para nga grupet e avari-shpëtimit, mësohet se 6 minatorë janë nxjerrë nga galeria, ku njëri prej tyre është në gjendje të rëndë shëndetësore dhe është nisur drejt Spitalit të Bulqizës për të marrë ndihmën e parë mjekësore, ndërsa më pas do të niset me helikopter drejt Tiranës.
Policia gjithashtu ka dalë me një njoftim zyrtar lidhur me ngjarjen e ndodhur sot në një minierë të Martaneshit, ku kanë mbetur të asfiskuar tre minatorë.
Policia njofton se një minator rreth 50 vjeç ka qenë dule salduar brenda në galeri me gjenerator, ku dyshohet se si pasojë e gazit të çliruar nga gjeneratori është aksifksuar.
Sipas “bluve”, në ndihmë të minatorit kanë shkuar edhe dy punëtorë të tjerë, shtetasit A. J., dhe M. H., të cilët janë askfiksuar dhe kanë shfaqur probleme shëndetësore.
Informacion paraprak
Me datë 11.05.2021, rreth orës 12.30, në një subjekt minerar në zonën e Martaneshit, shtetasi Sh. E., rreth 50 vjeç, duke salduar brenda në galeri me gjenerator, paraprakisht dyshohet se si pasojë e gazit të çliruar nga gjeneratori është aksifksuar, dhe në ndihmë të tij kanë shkuar dhe dy punëtorë të tjerë, shtetasit A. J., dhe M. H., të cilët janë askfiksuar dhe kanë shfaqur probleme shëndetësore.
Shtetasit e lartëpërmendur janë nxjerrë nga galeria dhe janë transportuar për ndihmë mjekësore në spital.
Grupi hetimor ndodhet në vendin e ngjarjes dhe vijon hetimi për zbardhjen e plotë shkaqeve ngjarjes.
