Detaje të reja kanë dalë në dritë lidhur me plagosjen e dyfishtë që ndodhi në zonën e Don Boskos në Tiranë. Autori i ngjarjes po ecte në këmbë kur hapi zjarr ndaj dy personave. Pas të shtënave, autori, i cili mbante një kapele për të mbuluar fytyrën, u largua nga vendi i ngjarjes me motor, duke humbur gjurmët.

Policia e Tiranës ka konfirmuar se dy të plagosurit janë Kastriot Elezaj dhe Ronaldo Metushi. Të dy ndodhen jashtë rrezikut për jetën dhe po marrin kujdesin e nevojshëm mjekësor. Autoritetet po vazhdojnë hetimet për të zbardhur rrethanat dhe për të identifikuar autorin e sulmit.