Detaje të reja kanë dalë lidhur me ekzekutimin e biznesmenit shqiptarë në Maqedoninë e Veriut. Mediat në Maqedoni bën me dije se viktima është Kamer Idrizi 42-vjeç, ndërsa në momentin ku ndaj tij u hap zjarr ishte në makinë së bashku me nipin.

Ngjarja e rëndë ka ndodhur në lagjen Butel 2. Mësohet se viktima në momentin e krimit ishte brenda makinës së tij tip “Golf 7” e parkuar pranë një parkimi restoranti.

Dyshohet se autorët e kanë pritur viktimën deri sa ka ardhur në parkim ndërsa më pas i janë afruar dhe kanë qëlluar me breshëri.

Arma e vrasësve ka qenë kallashnikov, ndërsa në vendin e ngjarjes janë gjetur të pakën 90 gëzhoja, ku disa prej tyre i morën jetën Kamer Idrizit.

Për shkak të plagëve të marra humbi jetën gjatë rrugës për në spital Kamer Idrizi.

Ndërsa nipi i tij i cili mori 6 plumba në pjesë të ndryshme të trupit, po lufton për jetën në spital.