Mësohet se banda kriminale e trafikut të drogës ishte një strukturë shumëkombëshe e sofistikuar, ku prodhohej deri në 200 kg drogë në 24-orë, më i madhi në Evropë.

Policia spanjolle në bashkëpunim me atë të Portugalisë dhe Kolumbisë kanë sekuestruar rreth 1300 kg kokainë të pastër dhe 151 kg kokainë të përpunuar. Mediat e huaja bëjnë me dije se laboratori i drogës ishte vendosur në provincën Pontevedra dhe anëtarët e bandës punonin me turne 24 orë në ditë për të kultivuar bimët narkotike.

“Organizata kriminale tashmë e çmontuar ishte shumë e sofistikuar dhe anëtarët e saj, detyrat e ndryshme të të cilëve ishin të organizuara mirë, përdorën masa të forta sigurie, të tilla si përdorimi i pseudonimeve, automjete mashtruese, maskimi si kamionistë dhe përdorimi i një protokolli të rreptë komunikimi”, deklaron policia spanjolle.

Mediat e huaja shkruajnë se për finalizimin e operacionit janë dashur më shumë se 7 muaj.