Presidenti i Ukrainës, Volodymyr Zelensky, ka ndarë pamje nga takimi i tij me kryeministrin kroat Andrej Plenković në rrjetin social ‘X’. Në postimin e tij, Zelensky shprehet se bisedoi me Plenković lidhur me mundësinë e lehtësimit të bashkëpunimit mes kompanive të mbrojtjes ukrainase dhe kroate, veçanërisht në fushat e pajisjeve të shpëtimit dhe prodhimit të dronëve.
Zelensky falenderon Kroacinë për ndihmën e dhënë ndaj Ukrainës, përfshirë çminimin humanitar dhe rehabilitimin e ushtarëve dhe fëmijëve ukrainas. Ata diskutuan gjithashtu perspektivat për një Forum të Industrisë së Mbrojtjes Ukrainë-Ballkan.
Presidenti Ukrainas vlerëson mbështetjen e Kroacisë për integrimin e Ukrainës në Bashkimin Evropian dhe NATO. Në takim, u diskutuan gjithashtu çështjet aktuale të sigurisë rajonale, thekson Zelensky në postimin e tij.
“Në Tiranë u takova me kryeministrin kroat @AndrejPlenkovic dhe shpreha mirënjohjen për ndihmën e Kroacisë për vendin dhe popullin tonë, duke përfshirë çminimin humanitar dhe rehabilitimin e ushtarëve dhe fëmijëve ukrainas.
Ne diskutuam perspektivat për një Forum të Industrisë së Mbrojtjes Ukrainë-Ballkan dhe ramë dakord të lehtësojmë bashkëpunimin midis kompanive të mbrojtjes ukrainase dhe kroate në fushat e çminimit, pajisjeve të shpëtimit dhe prodhimit të dronëve. Unë vlerësoj mbështetjen e Kroacisë për integrimin e Ukrainës në BE dhe NATO. Ne diskutuam gjithashtu çështjet aktuale të sigurisë rajonale”- shkruan Zelensky.
