Presidenti ukrainas Volodymyr Zelenksy ka mbajtur fjalën e tij në kongresin e SHBA. Në fillim të fjalimit Zelenksy u prit me ovacione të vazhdueshme.
Në lidhje nga Kievi, Zelensky u shpreh se qyteti i tij është çdo ditë nën sulm raketore dhe ajrore por nuk do të dorëzohet. “Nuk e kemi menduar këtë për asnjë sekondë”, thekson ai.
“Kjo është një ofensivë brutale kundër vlerave tona. Rusia jo vetëm që e ka sulmuar vendin tim. Ai ka ndërmarrë një ofensivë brutale kundër vlerave tona”.
Zelensky ka kujtuar luftën e dytë bpotërore dhe 11 shtatorin për të bërë krahasimin me situatën në Ukrainë ku po sulmohen njerëz të pafajshëm. “Rusia e ka kthyer qiellin e Ukrainës në një burim për vdekje”.
Ai kërkon avionë për të mbrojtur lirinë e Ukrainës. “Anëtarët e NATO-s deri më tani kanë refuzuar të vendosin një zonë ndalim-fluturimi mbi Ukrainë, duke argumentuar se kjo do të rrezikonte një përshkallëzim me Rusinë”.