Kryesia e PD mblidhet pasditen e së enjtes në orën 19.00 për të miratuar kandidatet më të cilët Partia Demokratike do të garojë në zgjedhjet e pjesshme vendore të 6 marsit.

Strukturat drejtuese të PD në Shkodër kanë propozuar Xhemal Bushatin kandidat për kryetar bashkie.

Në Rrogozhinë është propozuar si kandidat më 6 mars, Ferdinand Saraçi, ndërsa në Durrës Luan Hoti.

PD pritet t’i besoj Indrit Sefës bashkinë e Lushnjes, ndërsa për Vorën është propozuar Ymer Marku.  Për bashkinë e Dibrës, strukturat e PD kanë propozuar si kandidat për zgjedhjet e 6 marsit Luan Hakën.

Kandidatët e propozuar nga baza do i nënshtrohen shqyrtimit dhe miratimit nga Kryesia e PD.

“Sot, datë 3 Shkurt, ora 19:00, do të zhvillohet mbledhja e Kryesisë së Partisë, me rend dite “Miratimi i kandidatëve të Partisë Demokratike në zgjedhjet e pjesëshme vendore të 6 Marsit”