Zonja e Parë e Amerikës, Melania Trump ka votuar Palm Beach në shtetin e Floridës, duke marrë gjithë vëmendjen për veshjen e saj.
Elegante, me një fustan Gucci që kushton 4,500 dollarë, 50-vjeçarja nuk i kurseu buzëqeshjet për gazetarët. Ajo që bie në sy është se Zonja e Parë e SHBA-së nuk kishte vendosur maskë kundër koronavirus.
E pyetur pse nuk votoi me burrin e saj javën e kaluar, ajo tha: “Është Dita e Zgjedhjeve, kështu që unë doja të vija këtu për të votuar”. Zonja e Parë, bashkëshorti i saj, Donald Trump, dhe djali i tyre Barron u prekën nga Covid-19 kur virusi hyri edhe në Shtëpinë e Bardhë.
Megjithatë, Melania bëri të pamundurën për të ndaluar përhapjen e virusit. Ajo, madje, i tha stafit të punonte nga shtëpia nëse nuk ishte shumë e nevojshme dhe u kërkoi atyre të mbanin maska.
Florida, është një nga disa shtetet kryesore ku bashkëshorti i saj shpreson të ‘rrëmbejë’ fitoren ndaj kandidatit demokrat Joe Biden. Ndërsa në një intervistë per Fox News Trump tha se në Florida ka fituar.
