Një zjarr i madh ka përfshirë kodrat e fshatit Kaninë në Vlorë këtë të enjte. Mësohet se flakët janë përhapur fillimisht në një sipërfaqe me ullinj.
Dy automjete të forcave zjarrfikëse kanë mbërritur në vendin e ngjarjes megjithatë terreni i vështirë ka pamundësuar ndërhyrjen e tyre.
Tani ka nisur ndërhyrje nga ajri për shuarjen e flakëve. Në lidhje me ngjarjen ka reaguar edhe policia.
“Sot, rreth orës 13:50, në një kodër të fshatit Kaninë, ka rënë zjarr dhe po digjen shkurre dhe një sipërfaqe toke me ullinj.
Shërbimet e Policisë dhe shërbimet zjarrfikëse ndodhen në vendngjarje dhe po punojnë për fikjen e zjarrit”, thuhet në njoftimin e policisë.
