Gramsh – Një zjarr me përmasa të mëdha ka shkatërruar 39 banesa në fshatin Skënderbegas, ndërsa flakët vijojnë të përhapen dhe të hapen vatra të reja, duke dalë jashtë kontrollit.

Të gjitha ekipet e ushtrisë janë të përqendruara për të parandaluar përhapjen e flakëve drejt fshatit Nartë, fshati më i populluar i zonës, i cili nëse preket, zjarri mund të përfshijë edhe rajonet e Sulovës dhe Cërrikut.

Për neutralizimin e flakëve janë angazhuar 7 zjarrfikëse, 2 helikopterë, 300 vullnetarë dhe 50 forca të specializuara, të cilët punojnë pa ndërprerje për të shmangur përkeqësimin e situatës.