Ministri i Mbrojtjes, Niko Peleshi, ka reaguar në lidhje me zjarrin masiv në zonën e Llogarasë, duke raportuar se helikopteri Cougar dhe forca të Forcës së Ajrit kanë ndihmuar për të shuar flakët. Peleshi ka theksuar se terreni i vështirë ka bërë situatën problematike për ndërhyrjen me mjete, por forcat janë në punë për të kontrolluar plotësisht zjarrin.

“Helikopteri Cougar dhe efektivë të FA kanë shkuar në ndihmë të forcave që po përpiqen të shuajnë zjarrin e rënë këtë pasdite në Dhërmi. Për shkak të terrenit të vështirë, situata ka qenë disi problematike për ndërhyrjen me mjete, por trupat janë duke punuar për të vënë në kontroll të plotë flakët.

U bëjmë thirrje të gjitha strukturave vendore të ndërhyjnë menjëherë kur vënë re vatra zjarri për të mos lejuar që ato të përhapen në terren më të gjerë. FA, Agjencia e Mbrojtjes Civile dhe Ministria e Mbrojtjes janë në gatishmëri të plotë në çdo rast, kur kërkohet ndihma e tyre”, shkruan Peleshi.