Vatra e madhe e zjarrit që ka përfshirë prej orëve të fundit zonën malore të Delvinës ka kaluar përtej kreshtave dhe është duke iu afruar rrezikshëm zonave të Borshit dhe Lukovës.

Sipas burimeve nga shërbimet zjarrfikëse dhe emergjencat civile, terreni i thyer dhe era e fortë po e vështirësojnë ndërhyrjen, ndërsa prioritet është mbrojtja e zonave të banuara.

Forcat zjarrfikëse të Sarandës, Delvinës dhe Vlorës ndodhen në gatishmëri të plotë, ndërkohë që banorët janë paralajmëruar të jenë të kujdesshëm.

Autoritetet po shqyrtojnë edhe mundësinë e përdorimit të mjeteve ajrore nëse situata përkeqësohet gjatë orëve të ardhshme.

Zjarret kanë shkaktuar dëme të konsiderueshme në sipërfaqe me bimësi të ulët dhe pyje, por deri tani nuk raportohet për dëme në banesa.