Një zjarr i fuqishëm ka përfshirë mbrëmjen e djeshme një fabrikë këpucësh në Zhejë të Kurbinit, duke shkaktuar dëme materiale të konsiderueshme. Sipas hetimeve paraprake, dyshohet se shkaku mund të ketë qenë një shkëndijë elektrike.

Fatmirësisht, nga ngjarja nuk pati të lënduar, por zjarri shkaktoi panik te banorët e zonës përreth. Situata është normalizuar, ndërsa zjarrfikësve iu deshën disa orë për të neutralizuar flakët dhe për të siguruar perimetrin. Ekspertët po vazhdojnë hetimet për të përcaktuar shkakun e saktë të incidentit.