Të paktën 23 persona janë vrarë, dhjetëra u plagosën dhe katër janë zhdukur pas stuhive të fuqishme, të premten e 24 marsit. Erërat e dhunshme shkulën çatitë e shtëpive si “të ishin prej kartoni” rrëfejnë banorët. Lagje të tëra u bënë rrafsh me tokën e mijëra vetë mbetën pa energji elektrike është raportuar këtë të shtunë në CNN.

Shërbimi Kombëtar i Meteorologjisë pohoi se tornadoja që goditi qytetet e Silver City si dhe Rolling Fork, ka qenë veçanërisht e egër.

Forca e stuhisë ishte aq e madhe sa i bllokoi njerëzit në shtëpitë e tyre, duke nxitur përpjekje masive të kërkim-shpëtimit nga autoritetet vendase. Shërbimi i Meteorologjisë njoftoi se rreziku ende nuk ka kaluar dhe se po e vëzhgojnë me kujdes situatën.