Sot shënohen 26 vjet nga Masakra në Pastasellë të Komunës së Rahovecit, një nga krimet më të rënda të forcave serbe gjatë luftës në Kosovë në vitin 1999.

Në këtë masakër u vranë dhe u masakruan 106 persona nga ky fshat dhe fshatrat përreth. Përveç ekzekutimeve, trupat e viktimave u dogjën nga forcat serbe, duke shkatërruar çdo gjurmë të identitetit të tyre.

Edhe pas 26 vitesh, disa familjarë vazhdojnë të kërkojnë trupat e të dashurve të tyre, të cilët ende figurojnë të pagjetur. Në këtë masakër mbijetuan 13 persona, të cilët janë dëshmitarë të tmerrit që ndodhi atë ditë.

Deri më tani, askush nuk është dënuar për këtë krim, duke e lënë drejtësinë të munguar për familjet e viktimave dhe të mbijetuarit.