Një ngjarje e rëndë është regjistruar mbrëmë në Shkodër ku një banesë është përfshirë nga flakët, ku humbi jetën Kapllan Nasufi dhe u plagos rëndë bashkëshortja e tij.

Sakaq fqinjët e tyre janë shprehur se ambulanca është vonuar dhe nuk ka ardhur në kohë në vendin e ngjarjes.

“Ka qenë brenda cifti, ka ra flaka e madhe, gruaja ka dalë, Kapllani ka vdekur, është shkrirë brenda. Kushte kanë pasur të këqija boll. Ambulanca ka ardhur me vonesë, policia më shpejt. Ata kujtojnë se njerëzit tallen. Sa herë marrin ambulancën, duan të dinë sa vjece je. Zjarrfikësja ka ardhur bashkë me policinë, ambulanca erdhi me vonesë”– u shpreh një prej fqinjeve të familjes Isufi.

Po këto pretendime të fqinjëve i ka hedhur poshtë drejtori i spitalit Shkodër Senad Halluni, i cili në një reagim për mediat është shprehur se ambulanca ka shkuar pas 7 minutash në vendin e ngjarjes.