Tetë mjekë, infermierë dhe një psikolog që kujdesej për legjendën e futbollit Diego Maradona do të gjykohen për vrasje.

Maradona , i cili ishte kapiten i skuadrës fituese të Kupës së Botës të Argjentinës në vitin 1986, vdiq në nëntor 2020 në moshën 60-vjeçare.

Ylli, i cili iu nënshtrua një operacioni për shkak të mpiksjes së gjakut në tru disa javë para vdekjes së tij, vdiq për shkak të arrestit kardiak.

Në dokumentin prej 236 faqesh të parë nga Reuters, gjyqtari përgjegjës për çështjen vuri në dyshim “sjelljet – aktive ose me mosveprim – të secilit prej të akuzuarve që çuan dhe kontribuan në realizimin e rezultatit të dëmshëm”.

Ai tha se tetë persona, përfshirë mjekë, infermierë dhe një psikolog që kujdesej për Maradonën në kohën e vdekjes së tij, akuzohen për “vrasje’.

Akuza parashikon një dënim nga tetë deri në 25 vjet burg.

Një ekip mjekësor i caktuar për të hetuar vdekjen e Maradonës në 2021 tha se ekipi mjekësor i yllit veproi në një “mënyrë të papërshtatshme, të mangët dhe të pamatur”.

Të pandehurit e përmendur në vendim ishin neurokirurgu dhe mjeku personal i Maradonës, Leopoldo Luque, psikiatri Agustina Cosachov, psikologu Carlos Diaz, infermieret Gisella Madrid dhe Ricardo Almiron, shefi i tyre Mariano Perroni dhe mjekët Pedro Di Spagna dhe Nancy Forlini.

Ata të gjithë kanë mohuar përgjegjësinë për vdekjen e Maradonës dhe gjykatësi tha se avokatët e disa prej tyre kishin kërkuar që çështja të pushohej.