Një operacion ndërkombëtar i koordinuar nga Europol ka çuar në arrestimin e një trafikanti të dyshuar heroine, i cili drejtonte një rrjet kriminal që shtrihej nga Irani në Evropën Perëndimore. Hetimi, i udhëhequr nga autoritetet gjermane me mbështetje nga Holanda dhe Europol, çoi në arrestimin e shtetasit turk Nihat Oezbek, 57 vjeç, në Shqipëri më 23 nëntor.

Pasi u arrestua, autoritetet kontrolluan pronat e lidhura me të dyshuarin dhe të dashurën e tij në Roterdam, Holandë. Oezbek, një nga objektivat kryesorë të Europolit, dyshohet se drejtonte një rrjet të madh kriminal përgjegjës për importin e heroinës në Evropën Perëndimore në sasi të mëdha. Hetimi lidh të dyshuarin me sekuestrimin e 703 kilogramëve heroinë në portin e Hamburgut, Gjermani, më 30 gusht 2022, ku droga ishte fshehur në një ngarkesë kontejnerësh sapuni me origjinë nga Irani.

Aktualisht, Oezbek është në pritje të ekstradimit të tij në Gjermani, ku pritet të përballet me akuza të rëndë për trafik droge dhe krim të organizuar.