Ushtria e Sirisë ka njoftuar një “tërheqje të përkohshme të trupave” nga qyteti veriperëndimor i Aleppos, pas një ofensive të papritur nga grupet rebele, të cilat janë përpjekur të rimarrin territore nga forcat qeveritare për herë të parë në disa vite.

Në një deklaratë të lëshuar të shtunën, ushtria siriane njoftoi se dhjetëra ushtarë kishin humbur jetën ose ishin plagosur gjatë betejave intensive kundër “organizata terroristësh të armatosur” në Aleppo dhe Idlib në ditët e kaluara. Për këtë arsye, forcat siriane po rigrupohet dhe po tërheq trupat përkohësisht, për të përforcuar linjat e mbrojtjes dhe për t’u përgatitur për një kundërsulm të mundshëm.

Ushtria siriane gjithashtu ka paralajmëruar se do të marrë masa të ashpra kundër forcave rebele, të udhëhequra nga grupi Hay’at Tahrir al-Sham (HTS), që kanë depërtuar në disa lagje të Aleppos. Ky sulm i papritur, i nisur në fillim të javës, ka përfshirë një front të gjerë, që shtrihet më shumë se 100 kilometra, dhe ka rritur shqetësimet për mundësinë e intensifikimit të luftës në këtë zonë të tensionuar.