Influencuesja e njohur, Sarah Berisha, ka ndarë me publikun fitimet e saj dhe punën si blogere gjatë një interviste në emisionin “Goca dhe Gra” në Top Channel, ku ishte e ftuar së bashku me Einxhel Shkirën. Gjatë bisedës, Einxhel, si “kunatë” e Sarah-s, e ngacmoi në lidhje me pasurinë e mundshme që ajo ka fituar nga puna në Instagram, duke e pyetur për shifrat që ka në llogarinë e saj bankare.

Einxhel: “Duke qenë se punon nëpërmjet Instagram-it më shumë se çdo hapësire tjetër, je shprehur dikur që nuk ke nevojë të bësh punë të tjera se të ardhurat që sjell Instagram-i janë mjaftueshëm të larta. Kështu që ajo që dua të di si kunatë është, me sa shifra e ke zeron në llogarinë bankare?”

Sarah, duke buzëqeshur, nuk e mohoi këtë pyetje dhe tha: “Sa e poshtër që je”, por më pas iu përgjigj me shumë humor dhe pa komplekse.

Sarah: “Për pjesën e fitimit, unë e kam thënë edhe më përpara, unë punë me Instagram-in e kam nisur shumë vite më përpara. Patjetër që pas daljes nga Big Brother, shikueshmëria ka qenë më e lartë dhe çmimet që kam marrë janë rritur. Fitoj mjaftueshëm për t’i plotësuar vetes ato gjërat që unë kam.”

Einxhel nuk u ndal me kaq dhe, në një tjetër moment, iu përgjigj: “Moj, si s’të kam pyetur, sa e ke rrogën këtu?” ndërkohë që Sarah, duke i kthyer pyetjen, tha: “Zemra unë nuk kam rrogë. Këtu në Top Channel? Nuk më lënë ta them, rrogat e tjera i them.”

Biseda mes dy vajzave u zhvillua në një atmosferë të ngrohtë, plot humor dhe batuta, duke sjellë një moment të këndshëm për të pranishmit dhe shikuesit.