Në Vlorë, dy shtetas të shpallur në kërkim janë arrestuar gjatë operacionit të koduar “Gjurmët”. Operacioni u finalizua nga Forca e Posaçme Operacionale e DVP Vlorë, në bashkëpunim me Komisariatin e Policisë Vlorë, duke vijuar punën për kapjen e personave të shpallur në kërkim dhe bazuar në informacionet e siguruara nga inteligjenca policore.
Njëri prej të arrestuarve, një 26-vjeçar banues në Vlorë, ishte i dënuar me 1 vit e 6 muaj burgim për veprën penale “Vjedhja”. Tjetri, një 40-vjeçar, gjithashtu banues në Vlorë, ishte i dënuar me 2 vite burgim për “Dhunë në familje”. Të dy personat u kapën dhe ndaluan si rezultat i këtij operacioni, ndërsa materialet procedurale u referuan për veprime të mëtejshme në Prokurori.
