Një vrasje me armë zjarri ka tronditur Londrën mbrëmjen e djeshme, kur rreth orës 21:15, oficerët e Policisë Metropolitane u njoftuan për të shtënat që lanë të vdekur një grua dhe plagosën dy burra. Gruaja, e cila besohet të jetë rreth të 40-ave, u gjet e plagosur rëndë dhe, pavarësisht përpjekjeve të shërbimeve të urgjencës, ajo u shpall e vdekur në vendngjarje.
Një nga burra të plagosur është në gjendje kritike për jetën, ndërsa tjetri është jashtë rrezikut për jetën. Rrugët pranë vendit të ngjarjes janë mbajtur të mbyllura për shkak të veprimeve hetimore. Lidhur me këtë ngjarje të rëndë, ende nuk ka asnjë arrestim, dhe arsyet e krimit nuk janë zbardhur deri më tani. Policia vijon hetimet për të zbuluar detajet e ngjarjes dhe identitetin e autorëve.
