Policia greke ka zbardhur emrat e shqiptarëve të arrestuar në operacionin e djeshëm, i cili kishte si objekt shkatërrimin e një grupi kriminal të përfshirë në aktivitete të shumta kriminale si trafik droge, shkatërrime prone me eksploziv, plagosje dhe vepra të tjera të rënda në Greqi. Grupi, i drejtuar nga Edmond Përbasha, i njohur si “Mondi” dhe i arrestuar në burg, ka pasur një strukturë të organizuar dhe ka operuar në dy nëngrupe, secili me një rol specifik në aktivitetet kriminale.

Emrat e të Arrestuarve:

1.Edmond Përbasha – 44 vjeç, nga Mirdita

2.Klajvert Përbasha – 20 vjeç, nga Mirdita

3.Mario Kojku – 20 vjeç, nga Lushnja

4.Denhendri Kasemi – 22 vjeç

5.Amarildo Hajderasi – 27 vjeç

6.Ilia Shahini – 22 vjeç

7.Evgjenia Lumani – 23 vjeç

8.R. Plaku – 16 vjeç

Grupi kriminal, i përbërë kryesisht nga shtetas shqiptarë dhe grekë, ka operuar në zona të ndryshme të Athinës Juglindore, duke përfshirë Glyfada, Argyroupoli, Elliniko, Voula, Vouliagmeni, Vari, Alimo, Ilioupoli, Koropi, Lagonisi dhe Humnera. Ata janë përfshirë në shpërndarjen e lëndëve narkotike, kryerjen e krimeve të rënda dhe veprime të tjera që kanë rrezikuar jetën e njerëzve dhe kanë shkaktuar dëme të mëdha materiale.

Në operacionin e djeshëm janë gjetur dhe sekuestruar një sasi të konsiderueshme drogash dhe sendeve të tjera të paligjshme, përfshirë:
•Rreth 155 mijë euro në para cash
•1 kg kokainë
•32.6 kg marijuanë
•50 pilula ekstazi dhe 640 gramë MDMA
•5 pistoleta dhe 7 karikatorë pistolete
•2 armë ajrore dhe jelek antiplumb
•12 makina dhe 9 motoçikleta
•Pako najloni, fishekzjarre dhe gjeneratorë tymi
•Anabolikë, celularë, karta SIM, orë dore të shtrenjta dhe laptopë
•110 paund britanik dhe më shumë sende të tjera.

Ky operacion është një nga goditjet më të mëdha ndaj grupeve kriminale që veprojnë në Greqi, duke synuar shkatërrimin e rrjeteve të trafikut të drogës dhe krimeve të dhunshme.