Një person është plagosur me armë zjarri mesditën e sotme në Lezhë. I plagosuri është identifikuar si Daniel Pikuli dhe, sipas informacionit të policisë, ndodhet në gjendje shumë të rëndë shëndetësore.

Ngjarja ka ndodhur rreth orës 13:15 në fshatin Manati, Lezhë, në rrethana ende të paqarta.

Pas plagosjes, Pikuli është transportuar drejt Spitalit të Traumës në Tiranë, ku po merr ndihmë më të specializuar mjekësore.

Shërbimet e Policisë ndodhen në vendngjarje dhe vijojnë kontrollet për kapjen e autorit ose autorëve të dyshuar.

Grupi hetimor, nën drejtimin e Prokurorisë, po punon për zbardhjen e plotë të rrethanave të ngjarjes.

Njoftimi i Policisë:

“Rreth orës 13:15, në fshatin Manati, Lezhë, në rrethana ende të paqarta, është plagosur me armë zjarri shtetasi D. P., i cili është transportuar në Spitalin e Traumës, Tiranë, për ndihmë mjekësore.

Shërbimet e Policisë janë në vendngjarje dhe vijojnë kontrollet për kapjen e autorit/ëve. Grupi hetimor, nën drejtimin e Prokurorisë, vijon punën për zbardhjen e rrethanave të ngjarjes.”