Një aksident ka ndodhur në aksin nacional Korçë-Pogradec, në afërsi të fshatit Libonik. Sipas informacioneve paraprake, një mjet ka dalë nga rruga, përplasur barrierat mbrojtëse dhe ka përfunduar në një parcelë pranë rrugës. Fatmirësisht, nga aksidenti nuk ka pasur viktima apo të plagosur, por ka shkaktuar dëme të shumta materiale. Policia ndodhet në vendngjarje dhe po heton për të zbardhur shkaqet dhe rrethanat e aksidentit.
