Natalie “Samantha” Rapnau, një 15-vjeçare nga shteti i Wisconsin, është identifikuar si autore e një sulmi të armatosur në një shkollë private kristiane, që ndodhi ditën e hënë. Ajo vrau dy persona dhe plagosi pesë të tjerë, përfshirë një mësues. Sipas raportimeve nga CNN, Rapnau kishte pasur disa probleme personale dhe i kishte shprehur ato me shkrim, por ende nuk dihen detajet e sakta. Ajo hapi zjarr në një klasë ku ishin të pranishëm studentë nga disa klasa dhe më pas vrau veten.
Më herët gjatë ditës, Rapnau dyshohet se ka postuar një foto nga brenda një tualeti në shkollë, duke bërë shenjën “OK”.
Policia e citoi se Rapnau nuk kishte qenë më parë në “radarin” e autoriteteve dhe nuk kishte shfaqur probleme. Një nxënës i klasës së dytë e njoftoi policinë, dhe oficerët mbërritën në shkollë tre minuta pas thirrjes. Aktualisht, autoritetet po hetojnë për të zbuluar motivin e këtij krimi të tmerrshëm dhe kanë bastisur shtëpinë e vajzës për prova. Babai i saj është duke bashkëpunuar me hetuesit dhe nuk ka indikacione që prindërit të jenë të përfshirë në ngjarje.
