Kryetari i Lëvizjes “Shqipëria Bëhet”, Adriatik Lapaj, ka vijuar turin e takimeve me diasporën shqiptare, këtë herë në shtetin e Michigan-it, SHBA.

Në një postim në rrjetet sociale, Lapaj u shpreh:

“Vazhdojmë turin e takimeve në komunitet ku jetojnë shqiptarët në shtetin e Michigan. Duke ecur e duke u ndalur pasi fjala është hapur e bashkë me të dhe dyert e popullit tonë. Duke shkuar drejt Torontos… Sa shumë kapacitete ka vendi ynë jashtë e që mund t’i kthejmë në mundësi nesër!”

Ai vlerësoi potencialin e madh të shqiptarëve që jetojnë jashtë vendit dhe theksoi rëndësinë e bashkëpunimit për të transformuar këtë potencial në mundësi konkrete për të ardhmen e Shqipërisë.

Ky tur takimesh është pjesë e përpjekjeve të Lëvizjes “Shqipëria Bëhet” për të ndërtuar ura komunikimi me shqiptarët kudo që ndodhen, duke synuar angazhimin e tyre për zhvillimin e vendit.