Një 21-vjeçar shqiptar është arrestuar në Belgjikë, pasi u kap me 25 kilogramë kokainë në makinën e tij, gjatë një operacioni policor në Unazën e Antwerp. Arrestimi i të riut ka ndodhur pasi ai tentoi të largohej nga një kontroll policor në Holandë. Policia hollandeze nisi ndjekjen, e cila vazhdoi me shpejtësi të madhe nëpërmjet autostradës E19, deri në territorin belg, ku u mor në dorë nga policia federale e autostradës.
Gjatë ndalimit, në makinën e tij u gjetën gjithsej 24.4 kg kokainë, që u sekuestrua menjëherë. Sipas zëdhënëses së zyrës së prokurorit të Antëerp, Kato Belmans, 21-vjeçari është arrestuar me dyshimin se kishte importuar drogë në bashkëpunim me persona të tjerë. Pas arrestimit, ai u dërgua para gjyqtarit hetues të mërkurën për të vazhduar hetimet.
