Një debat i ashpër ka shpërthyer mbrëmjen e kaluar mes Gjestit dhe Xuxit në shtëpinë e “Big Brother VIP Albania”. Gjesti, i cili nuk ndaloi së foluri edhe pas fikjes së dritave, e cila nënkupton kohën e gjumit për banorët, irritoi Xuxin, i cili e kritikoi ashpër duke i kërkuar që t’i linte të flinin. Xuxi i kërkoi Gjestit të ndalonte menjëherë dhe e ofendoi për sjelljen e tij.
Reagimi i Xuxit u intensifikua kur Gjesti iu afrua dhe kërceu tek shtrati i tij. Xuxi u acarua dhe e shtyu Gjestin, duke i kërkuar që të largohej dhe të mos e prekte më. “Qu prej qëtu menjëherë, hiqmu dhe mos më prek asnjëherë këtu,” i tha Xuxi Gjestit, ndërkohë që ky i fundit e kërkonte që të mos e prekte.
Banorët e tjerë ndërhynë për të ulur tensionet mes dyshes, duke përpjekur të qetësojnë situatën e tensionuar.
