Armina Mevlani, e njohur për pasionin e saj për veshjet luksoze dhe markat e njohura, ka ndarë në një intervistë për “Prive Klan Kosova” disa detaje interesante mbi stilin e saj dhe marrëdhënien me modën. Ajo tregon se shumica e veshjeve të saj vijnë nga bashkëpunime me marka të mëdha, duke sqaruar se ato nuk janë gjithmonë blerjet e saj personale.

Gjatë intervistës, Armina gjithashtu ka ndarë një moment shumë të veçantë, duke zbuluar dhuratën më të bukur dhe më të shtrenjtë që ka marrë ndonjëherë, e cila iu dhurua nga bashkëshorti i saj, Shkëlzeni. Sipas Arminës, ajo kishte patur dëshirë për një byzylyk vintage, dhe Shkëlzeni ia ka blerë atë në fshehtësinë më të madhe, duke ia dhuruar në përvjetorin e tyre. Për Arminën, ishte më shumë se një thjesht një dhuratë e shtrenjtë – ishte gjesti dhe dashuria e Shkëlzenit që e bëri atë moment kaq të paharrueshëm.