Misioni i OSBE-së në Kosovë ka shprehur shqetësimin e tij lidhur me moscertifikimin e Listës Serbe nga Komisioni Qendror i Zgjedhjeve (KQZ) për zgjedhjet nacionale të 9 shkurtit. Në një reagim të lëshuar, OSBE thekson se procesi i certifikimit është një çështje procedurale e rëndësishme për mbështetjen e zgjedhjeve demokratike dhe duhet të realizohet pa ndikime politike.

Misioni i OSBE-së, duke e vlerësuar KQZ-në si një organ kyç për nxitjen e demokracisë dhe lirive politike në Kosovë, apeloi për një proces të tillë të paanshëm dhe të drejtë. “Procesi i certifikimit duhet të jetë i ndarë nga konsideratat politike. KQZ duhet të sigurojë që hapat e mëvonshëm të jenë gjithëpërfshirës dhe të përputhen me parimet demokratike”, thuhet në reagimin e OSBE-së.

Ky reagim vjen pas vendimit të Komisionit Qendror të Zgjedhjeve për të mos certifikuar Listën Serbe, që ka nxitur një debat të gjerë politik në vend. OSBE ka theksuar rëndësinë e ruajtjes së integritetit të procesit zgjedhor dhe ka kërkuar që të gjitha partitë dhe kandidatët të kenë mundësi të barabarta për të marrë pjesë në zgjedhje.